Ang Nabangka





ANG NABANGKA


Sa isang malayo at liblib na lugar
Sa baybaying dagat nitong look Ragay

Sumibol ang isang magandang barangay 
Kung saan kilala ang Nabangka ang ngalan


Ayon sa mga kwento ng mga ninuno 
Ito ay gubatan at may malalaking puno

Malalagong dawag sanga`y masalimuot 
Ang naniniraha`y mga ligaw na hayop


 

At sa kalauna`y mayroong dumatal 
Na isang pamilyang galing sa kung saanalan

Kanilang nilinang itong kagubatan 
Ginawang kaingin halama`y tinamnan


Ang  dating magubat at madawag na lugar 
Noo`y unti-unti na nagliliwanag

Tinamnan ng saging at ibang halaman 
Wari`y paraiso kung iyong pagmamasdan



Subalit sa ibang taong nagtutungo
Ay may agam-agam at nangangalito

Kung may nagtatanong anong lugar ito 
Walang maisagot di alam kung ano


Sa paglibot-libot niyaong unang tao 
Sa nasasakupan ng nayon na ito

Nakita ay sapa sinunson  ang dulo 
Tila hugis Bangka ang kanyang natanto


 

Kay ganda ng hugis ng sapa na ito
Na parang sinadya pagkagawa  nito

Sa gilid ng sapa ay may naka-usling  bato 
Matanda`y naupo na sapu ang noo


Sa pagkakaupo matanda`y nangiti 
Kay gandang pangalan sa sarili`y nasabi

Kung may magtatanong anong lugar eri, 
NABANGKA, NABANGKA, yaong isasabi



Ngayon kung mamasdan  nayon ng NABANGKA, 
Ay maaaliw ka sa`yong makikita

Kay linis ng dagat baybaying kayganda, 
Na kaakit-akit sa mga turista


Dahil ang NABANGKA, ngayo`y maunlad na, 
Bahay nayon paaralan, ngayo`y konkreto na

Pangalang NABANGKA, ngayo`y pinaltan na,    
CENTRAL, ngayo`y mas kilala



Kung ang baybay dagat ay bibigyang pansin 
Lalong mapaganda`t pag yayamanin

Maging kabunduka`t  kaparangan natin
Yaong kaunlara`y higit na kakamtin.





by: Anonymous

Hinabaan Entrance Free Resort







Bibingkahan Sa San Antonio












Guinayangan Seas



Mga Mukha Ng Pagkalinga


Wala pa halos estudyante sa aming paaralan pero naroon na si Mang Vincent. Kay dami niyang dalang paninda. May siopao, mani, pansit habhab, malalamig na juice at ice candy.

Hapon naman siya babalik upang kunin ang mga benta ng ipinatindang produkto, at syempre para muling magtinda sa mga bata.

Madalas naman pulo-pulutong ang mga bata kay Mang Milan o mas kilala sa Mr.Hab-hab. mabiling mabili ang tinda nitong pansit hab-hab na sa halagang limang piso ay talagang mabubusog ka na.

Mainit at masarap na Arroz Caldo naman ang paninda ni Aling Lucy. Masigla siyang magtinda kahit na nga nangangapaso na sa tinitindang lugaw katulong ang butihing asawa. Malasa at may hanghang na hagod ng luya na tamang tama sa tiyang walang laman sa umaga.

Araw-araw yan. Lagi siyang nasa school hindi para magaral kundi para pakainin ng kanilang produkto ang mga mag-aaral. Kilalang killala na nila ang bawat suki. Alam na rin nila ang paborito ng mga bata mula sa kanilang tinitinda. Binibigyan din nila minsan ang mga batang walang pambili.

Masipag si Mang Vincent, Aling Lucy at Mang Milan. Hindi kumpleto ang isang araw kung hindi mo sila makikita sa labas ng eskwelahan. Simple at konte lang ang kanilang kinikita ngunit marangal at nagbibigay ligaya sa mga nagugutom na mag-aaral.






Mula sa pahayagang Ang GAYANG TOMO13 Blg.1

More videos from Guinayangan here on
GR Tv ON YOUTUBE
Related Posts with Thumbnails